أفضل أماكن ومناطق للسهر في مصر شتاء 2019



أفضل أماكن ومناطق للسهر في مصر شتاء 2019


شارك هذا الموضوع :

أفضل أماكن للسهر في الشتاء في مصر 2019 في جميع محافظات مصر،بدأ الشتاء يهل علي انحاء جمهورية مصر العربية ويسعي المصريين عادة لوجود أماكن تتناسب للسهر الجميل وشرب مشروب ساخن للشعور بالدفء والروح اللطيفة للشتاء، أماكن في مصر لازم تجربهم في الشتاء،ففي هذا الموضوع يسعي موقع ايجي كافية في عرض أبرز الاماكن المختارة للزيارة في الشتاء

أفضل أماكن للزيارة

الأقصر وأسوان

المشتى الرئيسي لأبناء القاهرة المحروسة من زمان، مين يقدر يقاوم سحر الأثار هناك ولا جمال النيل، بالذات منطقة غرب سهيل اللي جمالها من جمال أهل النوبة وحلاوة تفاصيلهم وكرمهم، وكنا كتبنا موضوع كامل عنهم ممكن تشوفوه هنا. يا ريت تجربوا تركبوا Air Ballon  في الأقصر واللي بتوريكم كل الآثار تقريبًا بس من الجو، وأكيد تستمتعوا بفلوكة في النيل.

دهب ونويبع

من الأماكن الجميلة جدًا صيف وشتاء، ننصحكم تروحوهم لحد شهر يناير بس بعد كده ممكن تتلجوا بليل، لو بتحبوا تجربوا أنشطة كتيرة زي الغطس والسنروكلينج وتسلق الجبال يبقى مكانكم دهب أكثر، بس لو أنتم من محبي الطبيعة والهدوء والعشاء البدوي والتأمل واليوجا نويبع هتكون مناسبة أكثر، بس الأكيد أن منظر الجبال هناك مع البحر بيخلي روح تدوب من الجمال.

المنيا

إيه رأيك تجرب حاجة جديدة وتروح المنيا؟ المنيا من الأماكن المجهولة لناس كتير أنهم ممكن يقضوا وقت لطيف ويتفرجوا على الأثار الفرعونية اللي هناك، ده غير جمال النيل هناك وهدوء البلد وممكن تحجزوا من على booking.com بمنتهى السهولة.

الفيوم

بنحسها مظلومة برحلات اليوم الواحد، لأنها منطقة جميلة وهادية، خاصة قرية تونس، اللي فيها أكثر من فندق يعيشك في رفاهية مع الأكل المصري الأصيل وبحيرة قارون، ممكن تتفرج على أنواع الطيور المختلفة هناك، أو تروح وادي النطرون أو تتزحلق على الرمال.

الإسكندرية

“شط إسكندرية يا شط الهوا” صيف شتاء عروس البحر المتوسط ليها عشق خاص، مالوش زي. بس جمال إسكندرية في الشتاء ما يعروفش إلا واحد واقع في حبها من زمان زينا كده، البحر بليل في البرد مع آيس كريم عزة، ولا زيارة لألبان سويسرة… مافيش كده… ك ده غير طبعًا كوبري ستانلي والمنتزه وجمال مكتبة الإسكندرية وحفلاتها.

 

 

 

 


شارك هذا الموضوع مع أصدقائك.
Facebook Comment

Copyright © 2018 . All Rights Reserved to Egy Caffe
الموقع غير مسؤل عن كل ما ينشر به
للتبليغ عن اى محتوى مخالف يرجى الاتصال بنا

تصميم وتطوير : Masr Design