حقيقة انخفاض اسعار السيارات في مصر 2019



حقيقة انخفاض اسعار السيارات في مصر 2019

اهم سؤال في مصر حاليا هو فعلا اسعار السيارات هترخص في مصر في يناير 2019 بعد تطبيق اتفاقية الجات و الغاء الجمارك علي العربيات المستوردة من اوروبا
تعالو بينا نوضح حقيقة انخفاض اسعار السيارات في مصر 2019 بعد الغاء الضريبة الجمركية علي السيارات الاوروبية

بكل بساطة كده هنقسم العربيات ل 3 فئات :
1 – السيارات ال 1200 CC  ودى بالفعل مكنش عليها جمارك اصلا فأسعارها هتفضل زى ماهي او هتزيد حاجة بسيطة جدا.
2- السيارات ما فوق ال 1200 CC لحد ال 1600 CC هيتم الغاء الجمارك و اللي بتمثل 14 %
3- السيارات ما فوق ال 1600 CC لحد ال 2000 CC  او اكتر هيتم الغاء الجمارك و اللي بتمثل 41 %

وطبعا كل المصريين عرفو انه تم تحرير سعر صرف الدولار الجمركي من 16 جنيه بقي 18 جنيه تقريبا بسعر البنك المركزي
وتعالوا نركز مع بعض تحرير سعر الدولار الجمركي هيأثر علي السلع اللي اصلا عليها جمارك فهيتم احتساب الضريبة ب 18 جنيه للدولار
اما في وضع العربيات هى اصلا اتلغي من عليها الجمارك فمش هتاثر علي اسعار العربيات نهائي بالعكس الاسعار هتقل حسب نسبة الجمارك اللي اتلغت حسب كل فئة زي ما صنفناهم

واحد هيقولي ازاى الكلام ده ، ده كل الاخبار و البرامج بيأكدو ان الاسعار هتزيد
هقولك دى حملة قذرة من كل اللي لهم مصالح شخصية من رجال اعمال و اصحاب معارض هيتخرب بيتهم بسبب انخفاض اسعار العربيات فأستغلو موضوع تحرير صرف الدولار الجمركي و أوهمو الناس ان الاسعار هتزيد و الحقو اشتروا علشان يعوضو الخساير
والحملة دى بيساعدهم فيها البرامج التلفزيونية طبعا بتمويل من رجال الاعمال علشان يوصلو للناس اللي هما عايزينه

بس اتمني من كل مصري يفكر كويس و يصر علي موقفه و ينتظر لو عايز يشتري لشهر يناير علشان نقدر نحافظ علي حقوقنا و نوقف جشع التجار و اصحاب المعارض
واتمني اكون قدرت افيدكم


شارك هذا الموضوع مع أصدقائك.
Facebook Comment